الاخوه والاخوات اعضاء وزوار منتديات ربيع العمر
السلام عليكم ورحمة الله وبركاته
اقدم لكم بعض قصائد الشاعر المرحوم ( عبد الله بن خضرالصنهاج الزهراني ) من ديوانه (( منابـــر البــــــوح ))
((( غدر الزمان )))
بس يازمن يكفيك مانلت مني
ماعاد بي شي يكفي غرورك
خدعتني يومك تقول انت مني
حملتني باسك وحمك وجورك
ارحم ذليلً منك عود يوني
يخاف من غدرك ولفحة شرورك
رميتني بيدك ولا سلت عني
وضحكت لي قصدك تبين شعورك
توي عرفتك بالرجا والتمني
لاقمت تشرح لي خفايا أمورك
كان الرجا عندي وخيبت ظني
لكن مالي حيلةً في سفورك
((( ياهـــــــاجري )))
ياهاجري لى تعلم بحر الأشواق
ماغبت عن عيني ولارحت عني
البعد والهجران لوعات واحراق
وغلطه بحق العاشقين وتجني
صارت حياتي كلها تيه وفراق
وسود الليالي بهمهن إذبحني
مجنون في حبك ومغرم ومشتاق
عساك ترحم حالتي قبل اجني
ياشمس حبي طالعيني بلشراق
خلي طيور العشق بسمي تغني
((( من العين الى القلب )))
العين شافت لكن القلب ماشاف
دخل طريق الخوف بسبايب الشوف
قلبي وانأ أبخص به رقيقً وشفاف
لاحب صار من الولع دوم ملهوف
ياقلب رح لكن لاتطلب انصاف
اعرفك ماتقوى السهر وانت مشغوف
هذا طريقً صعب من جاه ماخاف
خاطر وجازف لين تغلب على الخوف
عنيد انا عارفك لك عدة اهداف
واللى تبي للناس واضح ومعروف
عزيت نفسي فيك وانا اكتب القاف
ويشهد علي اللي قرى حروف وقطوف
((( لعبة الاقدار )))
لابد مانرضى بحكم المقادير
لاجل الرضى ياصاح آخر وسيله
اقول يمكن كل هذا لنا خير
ناخذ من الصبر المؤكد دليله
أهو النصيب ومالنا فيه تدبير
تبقى المدامع والخواطر عليله
مليت من كثر العنا والتفاكير
بعطيك همي لو تكرم تشيله
للي كلامه فيه رقه وتخدير
ماارضى يشاركني همومي بديله
((( حبايـــل الرمــــــــــــش )))
رموشه الذابله طاحت على خده
قطعه من الليل غطت واهج اخدوده
تشبه لحبرً تسايل من طرف يده
حبايل الرمش فوق الخد ممده
الرمش أسود ولون الخد في ضده
لكنها في جمال وذوق محسوده
لها عيون وجبين ومبسم ولــده
مقاتلاتً لها صولات مشهوده
المعجزه والعجب والحسن في قده
زهو الشباب وغروره في كنف عوده
مثل البحر لامشت في جزره ومده
متباهيه بعنفوان العمر موعوده
أعجبت فيها واعجابي وصل حده
حسيت نفسي لها بالحيل مشدوده
ارسلت عيني لعينه خاطبً وده...
في لحظةً توها للفتنه مولوده
نسيت نفسي ونا واقف ولي مده
وهي معي حاضره بالفكر موجوده
تأزمت حالتي واصبحت في شده
والموقف الصعب في لحظات معدوده
((( غيــــــــــــــرة شـــــــــــــــــــاعـــــــــر )))
قولي معي الشعر ماهو سواليف
ولاكل من قال السواليف شاعر
من دون جهدً أو تعب أو تكاليف
ينساب من بين الفكر والمشاعر
ماهو كلام تدعيه الملاقيف
الهام تعصف به رقيق الخواطر
يامدعين الشعر من غير تخريف
لو يشتكي كان اشتكى كل جاير
شعر الاصاله فيه حكمه وتثقيف
ومرسال للعشاق وقت المعاشر
ينعش قلوب بين حيره وتسويف
ويونس الطرقي إلاجا مسافر
فيه المدح فيه الهجا إللي بتعفيف
ماظن ينزل منزلة كل فاجر
فيه الرثا واحسن إذا كان توصيف
يشفي العليل ويجبر بكل خاطر
من أول(ن) ينقال في مجلس الكيف
بين الدلال ويرتجل عالمنابـــــر
واليوم اصبح مهزله فيه تجويف
مهضوم حقه عند من هو يجاكر
يامعشر الشعار ياحيف ياحيف
قوايم الشعر أمتلت بالجباير
لابد مانحميه من كل تحريف
يبقى لغتنا بين ماضي وحاضر
وانحصنه من سطوة السرق والزيف
وانزهه عن يد سارق وبايـــــــر
((( أحبك مـــــــــــوت )))
قلت أحبك موت
قالت لي ونا
حبك بقلبي0000ترى ماله حدود
قلت اجر الصوت
من زود العنا
قالت أنا أصيح0000صدقني بزود
قلت هذا فوت
وابعاد وانا
لاتقارن بيننا0000حبك000جحود
الحكي مكبوت
في حفنة ضنا
والليالي0000يابعد عمري سنود
لاتحسب للسكوت
انا0000أنا
ماتغيرني 0000تصاريف0000وبنود
كلمتك لي قوت
وافراح000وهنا
لكن أنا دايماً0000حبي0000صعود
رقم المشاركة1 
10-20-2007, 03:52 AM 
بعض قصائد الشاعر المرحوم (عبدالله خظر الصنهاج) 
العرض العادي
