السلام عليكم ورحمة الله وبركاتة
آختي آسيرة الشوق مصير
الكذب حبله قصير كان من الآجدر
بك ماتنسبينها لك وهي قصيدة معروفة لي
انا الشاعرة القطرية الجامحة
واللي يريد الثبات ارسله كل رابط
بها قصيدتي كان الآجدربك قلتي منقولة
بعلمك شي الشاعر الذكي يحط كل
كتاباته بقوقل ويشوف من سارقها
وهذي القصيدة كاملة
ماعـاد احبـك ابتعـد لا تجينـي=ما دام حبـك صـار كلـه مذلـه
أول غرامك أحملـه وسـط عينـي=واليوم هاك الحب مـا ابيـه كلـه
لا واحسافه ما مضى مـن سنينـي=درب الهوى ما عـاد قلبـي يدلـه
أول عرفتـك يالحبيـب تعنيـنـي=واخذت قلبـي يـوم كـان بمحلـه
وأسهرتني ليلي وأخـذت الحنينـي=على رجـا قلبـي يسميـك خلـه
ماعاد ابي حب(ن) يـزوّد ونينـي=ولا عاد ابي حب(ن) يجي فيه علّه
خلاص راح الهـم ياخـوي دينـي=ماعاد كدرالقلب ولا الضيـم شلـه
عوض انـا قلبـي بحـب دفينـي=غيره سكن في داخل القلـب كلـه
لقيت معه الصدق ماخـاب فينـي=حب الوفـاء ماهـو بحـب تملـه
على الوفاء واخلاص شفته بعينـي=الطيب ساكن فيـه والحـب دلـه
كنت بكدر واليوم سعـدي يجينـي=اشكرك ياربي بوقت(ن) صف(ن) له
طاب المكان بزين حلـو الجبينـي=كل السعادة والفـرح لـي بكملـه
شفت السعادة ساكنه وسط عينـي=من يوم فارقـت الكـدر والمذلـه
كنت بسجن واليوم سعدي يزينـي=الله يسعدنـي ويشفـي بـي علـه
طابت ليالي العمر والفـرح فينـي=زاح الوهم اللـي بحياتـي اشلـه
الشاعرة الجامحة
02-17-2008, 06:41 PM 
رقم المشاركة : 11 
العرض العادي
