السلام عليكم و رحمه الله و بركاته
هذا مكانـه يابحـر أعرفـه زيـن
رغم البطا كنه هنـا مـن ثوانـي
كنه هنـا قبـل نتفـارق بعاميـن
قبل المطر يجتاح وجـه المبانـي
وينه غلاتي يابحر وينـه الحيـن
مرك .. لمحته .. مانشد عن حناني
بالله قول أنـه هنـا قبـل يوميـن
ودي أحـس أنـه هنـا مانسانـي
حتى الكراسي تسألك يابحر ويـن
من غيبته حتى الكراسـي تعانـي
كنه هنـا قـدام وجهـك محبيـن
نرسم على سطحك كثيـر الأمانـي
شف يابحر كنا على جالـك أثنيـن
واليوم ماغيـر الدمـع والموانـي
دونه أشوف الزين بناظري شيـن
وبإسمه أنادي واحد مـن أخوانـي
وين السعاده ناسيتني مـن سنيـن
مدري بعد مثـل السعـاده نسانـي
ااااه يابحر الدمع في محجر العيـن
ماأقدر على ذكـراه هـزت كيانـي
ماأقول يسوى في عيوني ملاييـن
يسوى عيوني وماغلى في زمانـي
هو القمر في الأرض يمشي برجلين
مافيه مثله يابحر شخـص ثانـي
شف يابحر ماهزني غيـر ثنتيـن
فرقاه ومبسـم هالزمـن لاكوانـي
لكن أمانه يابحـر أحفـظ الديـن
لا جاك ثير الموج لهفـه عشانـي
قله غيابك عـن حبيبـك سكاكيـن
ماهو حرام الذبح بإنسـان فانـي
دايم يحن لموعـدك يعرفـه زيـن
وده يشوفـك يابشـر لـو ثوانـي
اتمني تعجبكم
منقووووووووووووووووووووول
رقم المشاركة1 
08-25-2008, 10:08 AM 
_*_*_* يـــــــــــا بـــحـــــر _*_*_* 
العرض العادي
